Shirika la World Vision Tanzania laungana na Serikali kuoresha Afya Kigoma

Posted on: September 27th, 2018

Vifaa tiba vyenye tahamani ya Shilingi Milioni 477 vimekabidhiwa kwa Uongozi wa Mkoa wa Kigoma kutoka  Shirika la World Vision Tanzania pamoja na Shirika la Misaada la Serikali ya Canada-Global Affairs vilivyonunuliwa kwa ajili ya kuboresha upatikanaji na utumiaji  wa huduma bora za afya kwa mama wajawazito na watoto wachanga.

Naye Mkuu wa Mkoa wa Kigoma Mhe. Brig. Jen. (Mst.) Emmanuel Maganga akipokea vifaa hivyo, amelipongeza Shirika hilo kwa kuungana na Serikali katika kupambana na adui wa maendeleo katika Sekta ya Afya na kutoa wito kwa mashirika mengine kufuata nyayo za World Vision, mara nyingi tumekuwa tukiitwa kwenye hafla za kuzindua miradi mbalimbali inayoanzishwa lakini ninyi mmeonesha vitendo kuwa mradi wenu unagusa maisha ya wananchi wa Kigoma, nawapongeza sana na kuwashukuru.

Akizungumza mara baada ya kukabidhiwa vifaa hivyo kutoka kwa Mkuu wa Mkoa wa Kigoma, Mgawanyo umeratibiwa na ofisi ya Mganga Mkuu wa Mkoa  Dkt. Paul Chaote ameeleza kuwa Vifaa tiba hivyo  vitagawanywa kwa Halmashauri 6 za Kigoma DC, Kasulu DC, Uvinza, Buhigwe, Kibondo na Kakonko ambazo ndizo zimeoneka zinaupungufu na uhitaji Mkubwa wa vifaa hivyo katika vituo vya afya.