RC Kigoma atahadhari juu ya ugonjwa wa UVIKO 19 Mkoani Kigoma.

Posted on: July 10th, 2021

Mkuu wa Mkoa wa Kigoma Thobias Andengenye ametoa Tahadhari kwa wananchi wa Mkoa wa Kigoma kuchukua hatua zote zinazoelekezwa na wataalam wa AFYA kujikinga na Ugonjwa wa UVIKO 19.

 Andengenye ametoa Tahadhari hiyo Wakati wa kuwasilisha utekelezaji wa Ilani ya Uchaguzi ya Chama Cha Mapinduzi CCM 2020 kwa kipindi cha mwaka Mmoja.

Amesema hali ya ugonjwa wa UVIKO 19 kwa Mkoa wa Kigoma ni nzuri ila kwasababu hali ya nchi jirani sio nzuri, ametoa wito kuhakikisha wananchi wanachukua tahadhari ya kuambukizwa kwa kufanya Kunawa Mikono kwa maji tiririka na sabuni, Kuepuka misongamono isiyo ya lazima, Kuvaa barakoa ukiwa kwenye maeneo ya msongamano na kwenye ofisi/ maeneo ambapo mzunguko wa hewa ni mdogo, Kukaa umbali wa mita tatu, Kufanya mazoezi  na Kula lishe bora

Maelekezo mengine aliyoyatoa Mkuu wa Mkoa huyo ni Pamoja na  Maeneo yote ya kutolea huduma za kiserikali, taasisi mbalimbali (Kama vile benki nk)  watu wavae barakoa, Elimu iendelee kutolewa maeneo yote kama vile sehemu za ibada, sokoni, mashuleni na maeneo ya stendi.Wamiliki wa vyombo vya usafiri, wahakikishe wasafiri wanavaa barakoa na kunawa mikmono au kutakasa na vipukusi mara kwa mara

Aisha amewataka kila mfanyaboiashara ahakikishe kuna sehemu ya kunawia mikono kwenye eneo lake la Biashara

Viongozi wote mlioko hapa simamieni kuhakikisha kuwa tahadhari zinachukuliwa, maana kuna sehemu kuna vifaa vya kunawia mikono matumizi yake ni hafifu(hakuna maji, hakuna sabuni)

Na amewaomba Pamoja na kuchukua hatua hizo pia kila mmoja  kuzidi kumuomba Mungu kila mtu kwa imani yake ili Mungu atuepushe na hili janga la UVIKO 19