RC Kigoma anena juu ya wanaojiita teleza

Posted on: May 24th, 2019

Mkuu wa Mkoa wa Kigoma Brig. Jen (Mst) Emmanuel Maganga amewataka wananchi Mkoani Kigoma kushirikiana na Jeshi la polisi Mkoani humo ili kuhakikisha vitendo vya kihalifu vinavyofanywa na watu wanaoijiita teleza kwa kuwabaka kinamama vinatokemezwa kwa nguvu zote na kufanya watu waishi kwa Amani.

Maanga ameyasema haya wakati wa kuwafuturisha waumini wa dini ya kiislam iliyoandaliwaa nyumbani kwake Ikulu ndogo Mkoani Kigoma.

Katika futari hiyo Mkuu wa Mkoa akapata nafasi ya kuzngumza na viongozi mbalimbali wa Dini na Serikali juu ya suala la usalama Mkoani Kigoma hususan ubakaji unaoendelea kwa nyakati mbalimbali na watu wanaojiita teleza.

Amesema “jambo la ubakaji kweweli limejitokeza na kwa nyakati mbalimbali, haya ni matukio yanayofanywa na vijana wavuta bangi na madawa ya kulevya na vijana wasiona maadili mema katika jamii, na yamekuwa yakifanywa kwa miji ambayo kinamama wanaishi peke yao na nyumba zenye milango dhaifu

Kufuatia suala hili Serikali ya Mkoa inafuatilia suala hilo kwa ukaribu na kwamba hadi sasa kuna vijana kadhaa wameshakamatwa kwa kuhusishwa na matukio haya ya ubakaji.Mkuu wa Mkoa amewaomba watu wote watoe ushirikiana wakati jeshi la polisi likitekeleza amjuku yake ya kuwasaka wahalifu hao.

Amewaomba wazee, na viongozi wa dini kushirikiana na Serikali hususan jeshi la polisi kutoa taarifa kwa vyombo vya usalama ili viweze kutokomeza wale wote wanojihusihsa na vitendo vya unyama dhidi ya kinamama. mimi naamini tukishirikiana na jeshi la polisi kwa kutoa taarifa au kuonesha wahalifu hao walipo itasaidia sana. aliongeza Mkuu wa Mkoa.