NAIBU WAZIRI WA UCHUKUZI AFANYA ZIARA MKOANI KIGOMA

Posted on: August 17th, 2022

Naibu Waziri wa Uchukuzi Mhe. Atupele Mwakibete (Mb) yupo katika ziara ya Kikazi mkoani hapa kwa Lengo la Kukagua Maendeleo ya Ujenzi na uboreshaji wa Miundombinu ya Uchukuzi.

Akizungumza na Mkuu wa Mkoa wa Kigoma alipomtembelea Ofisini kwake leo Tarehe 17 Agosti 2022,  amesema lengo la Ziara hiyo ya Siku Tatu ni kukagua maendeleo ya Ujenzi wa Meli pamoja na kutembelea Shirika la Reli na kukagua Uwanja wa Ndege wa Mkoa.

Amesisitiza kuwa, Mkoa wa Kigoma unachangamoto ya ukosefu miundombinu ya usafirishaji  kwa njia ya  Maji, tatizo la chakavu wa Reli pamoja na uwepo wa Uwanja wa ndege usiokidhi vigezo vya kupokea  ndege kubwa kwa ajili ya kusafirisha abiria na mizigo.

‘’Serikali  Chini ya Rais Samia Suluhu Hassan, imejielekeza katika kuhakikisha inaboresha Miundombinu ya usafirishaji ili kukuza na kuinua uchumi  kwa lengo la upatikanaji wa Maendeleo ya Wananchi na Taifa kwa ujumla’’

Naye Mkuu wa Mkoa wa Kigoma, amemshukuru Naibu Waziri kwa Ujio wake huku akitanabaisha kuwa, ziara hiyo itaongeza msukumo wa utendaji kazi  kwenye miradi ya uchukuzi inayoendelea kutekelezwa.

Aidha, amememshuku kwa ziara anayoifanya kwani itamsaidia kubaini changamoto mbalimbalizinazoendelea kujitokeza  katika baadhi ya miradi inayoendelea kutekelezwa na ile inayotumika.

 Naibu Waziri Waziri  anatarajia kutembelea Mamlaka ya Viwanja vya ndege kwa kukagua uwanja wa ndege wa Kigoma, Mamlaka ya Usimamizi wa Bandari na Shirika la Reli Tanzania mkoani hapa.