Msimu wa Ununuzi zao la Pamba wazinduliwa Mkoani Kigoma

Posted on: May 17th, 2018

Serikali, imeendelea kusisitoiza wakulima kuuza zao la pamaba kupitia vyama vya Ushirika vya Msingi ili kuondokana na wizi pamoja na usumbufu wanaopata kwa kuibiwa na

madalali wa zao hilo.Haya yamelezwa na Mkuu wa Mkoa wa Kigoma wakati wa kuzindua Msimu wa ununuzi wa Pamba katika Kijiji cha Kanyonza Wilayani Kakonko.

Katika Msimu wa mwaka 2017/2018 takribani jumla ya ekari 2,932 zimelimwa  kati ya hizo Wilaya ya Kakonko ekari 2,800 ,Kibondo ekari 12 na Kasulu ekari 251. Imeelezwa

kuwa Wilaya za  Kibondo na Kasulu msimu huu ni wapili kulima zao la pamba, hivyo wananchi wa maeneo haya wamesisitizwa kuwa na mwamko wa kutumia fursa ya zao la pamba.

Mkuu wa Mkoa amewataka viongozi na Maafisa Kilimo kuhakikisha wananchi wamahamasishwa kuongeza uzalishaji wa pamba kutoka wastani wa tani 2,932 kufikia lengo la tani

4,000 kwa mwaka hadi  ifikapo mwaka 2020

Ni nia njema ya Serikali yetu ya awamu ya tano kuendeleza Sekta ya Kilimo cha pamba  ili kiwe cha tija na kiweze kutoa mchango wake unaostahili katika kubadili hali ya

kiuchumi waliyonayo watanzania kwa ujumla ameongeza Maganga.

Mkoa wa Kihgoma una chama kimoja cha Msingi cha Ushirika wa Pamba ambacho ni Kanyonza. Kwa mujibu wa muongozo Na. 1 wa msimu 2018/2019 Pamba yote itakayovunwa

inatakiwa kuuzwa kwenye vyama vya  ushirika vya msingi katika maeneo husika ili kumuepushia mkulima usumbufu na kumuhakikishia soko la uhakika.

Aidha ilikuwapunguzia wakulima usumbufu kunahaja ya kuanzisha vituo ambavyo vitahusika kununulia pamba za wakulima kwa kusimamiwa na chama cha ushirika cha msingi. Bei ya pamba kwa kilo moja itakuwa Tsh. 1,100.