HUDUMA YA MAJI SAFI KUENDELEA KUIMARIKA MKOANI KIGOMA

Posted on: July 24th, 2023

Hadi kufikia Oktoba 2022 Jumla ya vijiji 215 kati ya 306 ikiwa ni  sawa na Asilimia 70.3 vimefikiwa na Huduma ya Maji Safi ya Bomba mkoani hapa.

Jumla ya Miradi ya Maji 67 yenye Thamani ya Shilingi 54,227,590,254.00 inaendelea kutekelezwa na Wakala wa Maji na Usafi wa Mazingira Vijijini(RUWASA) na Wadau wengine wa Maendeleo katika Sekta ya Maji Kigoma.

Kupitia miradi inayotekelezwa na RUWASA, Huduma ya Maji kwa njia ya Bomba imefanikiwa kuwafikia wakazi wapatao 1,468,001 sawa na Asilimia 67.

Vijiji 80 vilivyopo ndani ya Mkoa havijafikiwa na huduma hiyo muhimu ambapo kwa Mwaka wa Fedha 2022/2023 Serikali kupitia Wakala huyo inatarajia kusogeza huduma ya Maji kwa njia ya Bomba katika vijiji 49 ambapo kukamilika kwa miradi hiyo kutasababisha mkoa kubakiwa na vijiji 31 vyenye uhitaji.

Miradi ya Kakonko, Kasunga, Kiziguzigu, Nyakayenzi, Asante Nyerere, Shunga, Muganza, Kumshwabure, Kitahana, Bitare, Twabangondozi, Kirungu, Muyanga, Kalege, Katundu, Nyankoronko, Msambara na Marolegwa inaendelea kuhudumia wananchi wapatao 135,514.

Miradi ya Munanila-Nyakimue, Mwayaya, Kanyonza, Kiga, Kigembe, Kigondo, Mudyanda, Pamila, Mlela, Nyakwi na Sunuka inaendelea na ukarabati huku ikitoa Huduma kwa Wananchi.

Pamoja na Mafanikio tajwa, uwepo wa changamoto za uharibifu wa Mazingira unaoathiri vyanzo vya Maji, kutotosheleza kwa Ikama na changamoto ya malipo ya Ankara za Maji kumechangia kuzorotesha ufanisi wa kiutendaji wa RUWASA Mkoa.

Aidha changamoto nyingine imebainika kuwa  ni ukosefu wa wataalamu wenye sifa  hususani kwenye  vyombo vya watoa huduma ya Maji ngazi ya Jamii