MAKAMU MKUU MUHAS PROF. KAMUHABWA AMTEMBELEA RC ANDENGENYE

Posted on: January 25th, 2024

Makamu Mkuu wa Chuo Kikuu cha Afya na Sayansi Shirikishi Muhimbili (MUHAS) Prof. Appolinary Kamuhabwa amemtembelea Mkuu wa Mkoa wa Kigoma Thobias Andengenye Ofisini kwake Leo Januari 25, 2024.

Akiwa mkoani hapa, Prof. Kamuhabwa ametembelea na kukagua eneo linalotarajiwa kuanza kufanyika kwa ujenzi wa Tawi la chuo hicho pamoja na kupokea taarifa za hatua mbalimbali za maandalizi ya ujenzi huo.

Aidha kupitia mazungumzo ya wawili hao, Mkuu huyo wa Mkoa ameishukuru serikali ya awamu ya Sita kwa kuelekeza mradi huo mkubwa mkoani hapa kwani utasogeza huduma za kibingwa na bobezi kimatibabu, kuongeza ikama ya watoa huduma sekta ya Afya pamoja na kuimarisha fursa mbalimbali za kiuchumi.